Scroll to top

तरुणांचे आरोग्य


vinayakhingane - November 1, 2019 - 2 comments

जीवनशैलीचे आजार हे पूर्वी उतारवयात होणारे आजार म्हणून ओळखल्या जायचे. ते आजकाल तरुण पिढीत सुद्धा मोठ्या प्रमाणात दिसायला लागले आहेत. इतक्यातच मी चाळीशीच्या आतील दोन तरुणांचा हृदयविकाराच्या मोठ्या झटक्यासाठी उपचार केला. वय वर्ष 30 ते 35 अशा वयोगटातील बरेच पेशंट उच्च रक्तदाब आणि डायबेटीस साठी दाखवायला येतात. ह्यांचे सगळ्यांचे आजार हे जीवनशैलीतील दोषांशी निगडित आहेत. जीवनशैली बदलल्यावर हे आजार बरे झाले. जीवनशैली चे आजार तरुण वयात मोठ्या प्रमाणात दिसणे हे काळजीचे आहे.

आपण सगळ्यांनी निरोगी जीवनशैली शिकायला हवी आणि त्याचा प्रचार करायला हवा. टाइप 2 डायबेटीस, उच्च रक्तदाब आणि हृदयविकार टाळता येतात. यांचे निदान लवकर झाले तर त्यातून होणारे त्रास सुद्धा टाळता येतात. आहार नियंत्रण ,व्यायाम आणि पुरेशी झोप हे जीवनशैलीचे महत्वाचे उपचार आहेत. सुरुवातीला हेच उपचार पुरेसे ठरतात. ह्या उपायांनी आजार टाळता सुद्धा येतात. A stitch in time saves nine ह्या म्हणीप्रमाणे आपण सतर्क राहिल्यास मोठा त्रास टाळू शकतो.

तपासणी:

आपले हिमोग्लोबिन, साखरेची पातळी , एच बी ए1 सी , कोलेस्टेरॉल(लिपिड प्रोफाइल), ईसीजी इत्यादी तपासण्या आपण करून घेतल्यास आपल्या आरोग्याचे चित्र अधिक स्पष्ट होते. आपले वजन , पोटाचा घेर, हृदयाचे ठोके, ब्लड प्रेशर (रक्तदाब) किती आहे ह्यावर सुद्धा लक्ष असू द्यावे.

उपाय:

  1. आहारात भाज्या आणि फळे भरपूर असावीत. आहारातील उष्मांक(कॅलरी) म्हणजेच ऊर्जा कमी करण्याचा फायदा होतो. जंक फूड किंवा बाहेरचे पदार्थ, पाकिटबंद पदार्थ टाळावेत. आहाराची रोजनिशी(डायरी) ठेवली तर फायदा होतो.
  • व्यायाम नियमित असावा. स्नायू बळकट करणारे आणि हृदय-फुफ्फुसाचे (कार्डीओ) असे दोन्ही व्यायाम करावेत. कमी वेळेसाठी का होईना पण दोन वेळा व्यायाम केल्यास उत्तम. याने आपली शारीरिक हालचाल विभागल्या जाते.
  • दिवसभर भरपूर हालचाल करावी. सारखे बसून राहणे हानिकारक. उभे राहून काम करणे, पायी चालणे, लिफ्ट ऐवजी जिना वापरणे, शारीरिक कामे स्वतः करणे असे उपाय केल्याने शारीरिक हालचाल वाढते. शारीरिक हालचाल वाढवणे हे व्यायामपेक्षा वेगळे आहे. सतत बसने हे धूम्रपानाइतकेच धोकादायक आहे. शारीरिक हालचाल वाढवल्याने आजारांचा धोका कमी होतो.
  • आपल्याला जवळपास आठ तास झोप आवश्यक असते.कमी झोप धोकादायक असते. म्हणून पुरेशी झोप घ्यावी.

डॉ विनायक हिंगणे

Author avatar

vinayakhingane

http://vinayakhingane.com
I am a physician by profession . I love to paint , read and write. Marathi is my mother tongue. I intend to write about health, health related issues and share my experiences through this blog. मराठी मातृभाषा असल्याने जास्त जवळची वाटते. आपल्या भाषेत माहिती लवकर कळते आणि जास्त प्रभावी असते असा अनुभव आहे. मराठी लोकांना आरोग्याविषयी मराठीत बोललेलं उपयोगी पडेल ह्या भावनेने हा ब्लॉग सुरु केलाय. मी एक डॉक्टर आहे आणि मला कलेची आवड आहे. आरोग्य लिखाणातून काहीतरी सकारात्मक करण्याचा प्रयत्न करतो आहे .

Related posts

2 comments

  1. वाढदिवसाची आरोग्य तपासणीचा फॉर्म बनवून दे. ड्रायव्हिंग लायसन्स मेडिकल
    सारखा. लोक आपापल्या डॉक्टरांच्या मदतीने भरून घेतील. तुला ऑनलाईन पाठवतील.
    तू फी घेऊन तुझे ओपिनियन इ रिपोर्ट ने कळव.
    डॉ. अनिल मोकाशी

  2. Neha Nadkarni

    सर तुम्ही म्हणता ते अगदी बरोबर आहे पण आज एकंदरपाहता रात्री १०.०० ला झोपून सकाळी ६.०० ला उठणारे हे नियम पाळणारे. शोधावे लागतील कामासाठी उठून धावपळ करून कसे बसे ऑफिस गाठणारे आहेत . पण त्यांची झोप पूर्ण झालेली असते का ? कामावर कॉलेग कुठेही जायच्याआधी किमान २ तास तरी आधी उठावे म्हणजे तुम्हाला स्वतःलाही वेळ देता येतो . घर अव्यस्थित तसंच मनही आणि मग. तन ही. सगळं सुरळीत चालण्यासाठी. घराचे , मनाचे आणि शरीराचे. आवरायला नको ? त्यावर उपाय काय. हे ५ दिवस जाऊदे. वीकएंड ला बघू. आणि वीकएंड जातो कसा ? एकच दिवस आहे म्हणून १२.०० वाजता सकाळ आणि उरलेला दिवस परत तेच. प्रोजेक्ट. ची डेड लाइन सांभाळताना स्वतःचे प्लॅनिग कधी करणार याचा कुठेतरी सुवर्णमध्य काढायला हवा

Leave a Reply

%d bloggers like this: